राष्ट्रिय ख्रीष्टियन महासंघ, नेपालको विशेष केन्द्रिय समितिको बैठक महासंघका अध्यक्ष सी.बी गहतराजको अध्यक्षतामा ११ भाद्र २०७७ (बिहिबार) भिडियो कन्फ्रेन्सिंग एप जूम मार्फत सम्पन्न भएको थियो । बैठकमा महासंघका अध्यक्ष, सह–अध्यक्षहरु, उपाध्यक्षहरु, उपमहासचिवहरु, सचिवहरु र सहसचिव, कोषाध्यक्ष र सहकोषाध्यक्ष, प्रदेश प्रमुखहरू, एसिया महादेश प्रमुख रेभ. पा. राजु बराईली, १ नं प्रदेश संयोजक रेभ. पा. एनोस गजमेर, ख्रीष्टियन पत्रकार महासंघका अध्यक्ष पा. गिदोन लामिछाने, महासंघ मकवानपुर जिल्ला अध्यक्ष पा. मोमलाल लामाको उपस्थिती रहेको थियो । उपमहासचिव पा. धनराज घिमिरेले २०७८ सालको जनगणनाको सचेतना अभिवृद्धि र नेपाली ख्रीष्टियन समूदायको सर्वेक्षणको विषयमा प्रस्तिुति दिनुभएको थियो । कानुनि सल्लाहाकार अधिवक्ता पा. बुद्ध घिसिङ्गले महासंघका पदअधिकारीहरुको जिज्ञासाहरुलाई प्रश्ट्याई सल्लाहा तथा सुझावहरु दिनुभएको थियो भने सहअध्यक्ष तथा ५ नं प्रदेश प्रमूख पा. टेक विक्रम हिताङ्गले राष्ट्रिय ख्रीष्टियन महासंघको संगठन विस्तारको विषय बैठकमा प्रस्तुत गर्नुभएको थियो ।
प्रस्तावित छलफलमाथि सह–अध्यक्ष, प्रदेश प्रमुखहरु र विभागिय प्रमुखहरुले आ–आफ्नो धारणा राख्नु भएको थियो । उक्त छलफल पछि ७७ ओटा जिल्लामा सचेतना अभियान संचालन गर्नको लागि र नेपाली ख्रीष्टियन समूदायको सर्वेक्षणको लागि संघठन विभागको समन्वयन र परिचालनका साथै महासंघको सम्पूर्ण विभागहरु, समितिहरु परिचालन गर्न र ७ ओटै प्रदेशमा भिडियो कन्फ्रेन्सिंग भेला जूम मार्फत आयोजना गर्नको लागि महासंघको संघठन विभागका प्रमूख पा. टेक विक्रम हिताङ्गलाई जिम्मेवारी प्रदान गरियो । त्यसैगरी उपाध्यक्ष पाष्टर कृष्ण परियारलाई ३ नं प्रदेश संयोजक पदमा सर्वसम्मतिले मनोनयन गरिएको छ ।
बैठकको संचालन उपमहासचिव तथा प्रवक्ता रेभ. पा. उद्धव चिमोरियाले गर्नुभएको थियो भने सुरुको प्रार्थना महासंघका बरिष्ट सह–अध्यक्ष रेभ. डा. फिलेमोन खड्का क्षेत्रीले गर्नुभएको थियो । आराधनाको अगुवाई सहसचिव चित्ररेखा ओझाले गर्नुभएको थियो । सह अध्यक्ष अधिवक्ता रीता थापा मगरले बैठकमा उपस्थित सम्पूर्ण पदअधिकारीहरुलाई स्वागत गर्नुभएको थियो ।
राष्ट्रिय ख्रीष्टियन महासंघ, नेपालको एसिया महादेश प्रमुख रेभ. पा. राजु बराईलीले परमेश्वरलाई हृदयदेखि विश्वास गर्नेहरुलाई स्वर्गको राज्यका साँचाहरु दिइएको छ र उहाँको महान सेवकाईको लागि पठाउनु भएको छ त्यसैले हाम्रो दायित्व सबैले पुरा गर्नुपर्छ भन्ने उत्साहपूर्ण बचन बाँड्नु भएको थियो । सह–अध्यक्ष रेभ. पा. रिन्जी लामाले अन्तिम प्रार्थना गर्नुभएको थियो भने महासंघ अध्यक्ष सी.बी. गहतराजले बैठकमा सहभागिहरुको जिज्ञासा र प्रश्नको जवाफ दिनुभई बैठकको समापन गर्नुभएको थियो ।
