मासिक विशेष प्रार्थना सम्पन्न ।

मिति २०८० बैशाख १७ काठमाण्डौं । राष्ट्रिय ख्रीष्टियन महासंघ नेपालको केन्द्रीय प्रार्थना विभागको विशेष प्रार्थना अभियान भर्चुअल विधि “जुम एप” मार्फत महासंघका पदाधिकारी, बिभिन्न मण्डलीका, पाष्टर, अगुवा तथा विश्वासीहरुको सहभागितामा सम्पन्न भएको छ । संचालन तथा प्रार्थनाको अगुवाई महासंघका उपाध्यक्ष तथा प्रार्थना बिभाग सह प्रमुख पा. आशा राईले गर्नुभएको थियो भने आराधना सचिव तथा आराधना विभाग प्रमुख अनिल राईले गर्नुभएको थियो । उक्त विशेष प्रार्थनामा महासंघका सहमहासचिव ए. सुजना बस्नेतले उत्साहपुर्ण बचन बाड्नुभएको थियो ।

प्रार्थना सभामा विभिन्न विषयहरुमा प्रार्थना भएको थिए । जसमा १. कोरोना भाइरस महामारी हटेर जाओस् २. विश्वभर रहेका सम्पूर्ण नेपालीभाषी मण्डलीहरू (चर्च) तथा ख्रीष्टियन संघ संस्थाका पदाधिकारी, पाष्टर, अगुवा, विश्वासीहरुलाई शान्ती, सुरक्षा भएको होस् ३. नेपालको राजनितिक अवस्था स्थिर हुन सकोस् ४. नेपाल सरकार र राष्ट्रिय ख्रीष्टियन महासंघ नेपाल बीच भएको ३ बुँदे र ६ बुँदे सहमतिहरु पूर्ण रुपमा कार्यन्वयन होस् ५. “हाम्रो अभियान नेपाली ख्रीष्टियन समुदायको स्वभिमान र पहिचान” भन्ने मूल नाराको साथ चितवन घोषणा पत्रको सम्पूर्ण योजनाहरु सफल हुन सकोस् ६. बाँकि रहेका प्रदेशहरुको प्रदेश भेला समयमै सम्पन्न हुन सकोस् भनि उपस्थित पदाधिकारीहरुले प्रार्थना गर्नुभएको थियो । विशेष प्रार्थनामा सहअध्यक्ष तथा केन्द्रिय प्रार्थना विभाग प्रमुख देवमाया तामाङले सबैलाई धन्यवाद दिएर अन्तिम प्रार्थना गरेर कार्यक्रम समापन गर्नु भएको थियो ।