दाङ
राष्ट्रिय ख्रीष्टियन महासंघ नेपाल केन्द्रिय महिला विभागको दाङ जिल्ला महिला विभागको पहिलो वार्षिक सम्मेलन सम्पन्न भएको छ ।
विभागका केन्द्रिय अध्यक्ष डोमा राईज्यू र सहकोषाध्यक्ष सुशिला खड्काज्यूको विशेष उपस्थिती र झुमा भण्डारीज्यूको सभापतित्व रहेको 
सो सम्मेलनमा दाङ जिल्लाका विभिन्न मण्डलीहरुबाट महिला दिदीबहिनीहरुको व्यापक उपस्थिती रहेको थियो ।
केन्द्रिय अध्यक्ष डोमा राईज्यूले परमेश्वरको आशिषमय उत्साहित वचन बाँडनुभएको थियो भने सम्मेलनमा दाङ जिल्ला महिला विभागको अनुरोधमा केन्द्रिय महिला विभागले साक्षरता कक्षा दाङ जिल्लामा नै सञ्चालन गर्ने र महिला दिदीबहिनीहरुको आर्थिक जीवन स्तर उकास्न र वचत गर्ने बानीको विकास गर्न काठमाण्डौँमा आर्थिक कारोबार सम्बन्धी तालिम दिने निर्णय भएको छ ।