काठमाण्डौ उपत्यका मासिक प्रार्थना सम्पन्न

४ पौष २०७९ काठमाण्डौ । राष्ट्रिय ख्रीष्टियन महासंघ नेपालको उपत्यका प्रार्थना विभागद्वारा आयोजित मासिक उपत्यका प्रार्थना अनुग्रह प्रतापी मण्डली चप्पलकारखाना काठमाण्डौमा सम्पन्न भएको छ । उपाध्यक्ष तथा प्रार्थना विभाग सह प्रमुख आशा राईले बाइबलको विभिन्न खण्डबाट उत्साहपूर्ण वचन बाँड्नुभएको थियो । आराधनाको अगुवाइ महासंघको सचिव अनिल राईले गर्नुभएको थियो । विभिन्न विषयहरुमा उपस्थित पाष्टर, अगुवाहरुले प्रार्थना गर्नुभएको थियो भने सह सचिव मिना गुरुङले प्रार्थना विषयको अगुवाई गर्नुभएको थियो । सहअध्यक्ष तथा केन्द्रिय प्रार्थना विभाग प्रमुख देवमाया तामाङले सबैलाई धन्यवाद दिएर अन्तिम प्रार्थना गरि पास्टर आत्माराम रम्तेलले कार्यक्रम समापन गर्नु भएको थियो । संचालन केन्द्रीय सहसचिव मिना तामाङ गुरुङले कुसलता साथ कार्यक्रम संचालन गर्नुभएको थियो ।