काठमाण्डौ उपत्यका मासिक प्रार्थना सम्पन्न

६ असार २०७९ काठमाण्डौ । राष्ट्रिय ख्रीष्टियन महासंघ नेपालको उपत्यका प्रार्थना विभागद्वारा आयोजित मासिक उपत्यका प्रार्थना अनुग्रह प्रतापी मण्डली चप्पल कारखाना काठमाण्डौमा सम्पन्न भएको छ । केन्द्रिय सदस्य माईला तामाङले सुरुको प्रार्थना गरेर कार्यक्रम अगाडी बढाउनु भएको थियो भने पा. मिनी कुमार राईले बाइबलको विभिन्न खण्डबाट उत्साहपूर्ण वचन बाँड्नु भएको थियो । आराधनाको अगुवाइ केन्द्रिय सचिव तथा आराधना विभाग प्रमुख अनिल राईले गर्नुभएको थियो । विभिन्न विषयहरुमा विभिन्न पदाधिकारीहरुले प्रार्थना गर्नु भएको थियो भने सहअध्यक्ष तथा केन्द्रिय प्रार्थना विभाग प्रमुख देवमाया तामाङले सबैलाई धन्यवाद दिएर अन्तिम प्रार्थना गरेर कार्यक्रम समापन गर्नु भएको थियो । केन्द्रिय सदस्य पा. जीवन बस्नेतले कुसलता साथ कार्यक्रम संचालन गर्नुभएको थियो ।