राष्ट्रिय ख्रीष्टियन महासंघ नेपाल मकवानपुर जिल्ला समितिको आयोजनामा सचेतना अभिवृद्धि तथा सर्वेक्षण सम्बन्धी अन्तरक्रिया कार्यक्रम २६ भाद्र २०७७ (शुक्रबार) भिडियो कन्फ्रेन्सिंग एप जूम मार्फत सम्पन्न भएको थियो । उक्त कार्यक्रमको अध्यक्षता महासंघको मकवानपुर जिल्ला समितिका अध्यक्ष पा. मोमलाल लामाले गर्नुभएको थियो भने सुरुको प्रार्थना पा. मनि लामाले गर्नुभएको थियो । अन्तरक्रियामा महासंघका अध्यक्ष, उपाध्यक्ष तथा ३ नं प्रदेश संयोजक, उपमहासचिव, कानुनी सल्लाहाकार अधिवक्ता, जिल्ला अध्यक्ष तथा पदअधिकारीहरु, ख्रीष्टियन समाजका प्रमुखहरू, पाष्टर र अगुवाहरुको सहभागिता रहेको थियो ।
उपमहासचिव पा. धनराज घिमिरेले २०७८ सालको जनगणनाको सचेतना अभिवृद्धि र नेपाली ख्रीष्टियन समूदायको सर्वेक्षणको विषयमा प्रस्ट्यानु भएको थियो । कानुनी सल्लाहाकार अधिवक्ता बुद्ध घिसिङ्गले सर्वेक्षणको विषयमा कानुनी मुल्य, मान्यता र आवश्यकता बारे जानकारी गराउनु भयो । उपाध्यक्ष तथा ३ नं प्रदेश संयोजक पा. कृष्ण परियारले महासंघको भाबि योजनाहरुको बारेमा जानकारी गराउनु भएको थियो ।
प्रस्तावित अन्तरकृया माथि पाष्टर, अगुवाज्यूहरुले आ–आफ्नो प्रश्न राख्नु भएको थियो । महासंघका अध्यक्ष सी.बी. गहतराजले अन्तरकृयामा सहभागिहरुको जिज्ञासाहरुको जवाफ दिनुभई धन्यवाद दिँदै मकवानपुर जिल्लामा रहेको मण्डली तथा ख्रीष्टियन संघ संस्थाहरुलाई २०७८ सालको जनगणनाको सचेतना अभियान र सर्वेक्षणको लागि महासंघलाई साथ, सहयोग र सहकार्य गर्नको लागि आहवान गर्नु भएको थियो । महासंघको मकवानपुर जिल्ला समितिका उपाध्यक्ष पा. रामचन्द्र प्याकुरेलले अन्तिम प्रार्थना गर्नुभएको थियो भने मिन तामाङ्गले कुशलता साथ कार्यक्रम संचालन गर्नुभएको थियो ।
