उपत्यका प्रार्थना विभागको मासिक प्रार्थना सम्पन्न

६ चैत्र २०७९ काठमाण्डौ । राष्ट्रिय ख्रीष्टियन महासंघ नेपालको उपत्यका प्रार्थना विभागद्वारा आयोजित मासिक उपत्यका प्रार्थना अनुग्रह प्रतापी मण्डली चप्पलकारखाना काठमाण्डौमा सम्पन्न भएको छ । पा. जीत घलेले बाइबलको विभिन्न खण्डबाट उत्साहपूर्ण वचन बाँड्नुभएको थियो । सुरुको प्रार्थना केन्द्रिय सदस्य पा. लालु थापा मगरले गर्नुभएको थियो भने आराधनाको अगुवाइ पुनरुत्थान एकलेसिया चर्चको क्वायर लिडर सुदिप चन्दले गर्नुभएको थियो । संचालन तथा प्रार्थनाको अगुवाई उपाध्यक्ष तथा प्रार्थना बिभाग सहप्रमुख पा. आशा राईले गर्नुभएको थियो । बिभिन्न विषयहरुमा उपस्थित पाष्टर, अगुवा तथा विश्वासीहरुले प्रार्थनामा सहायता गर्नुभएको थियो । सहअध्यक्ष तथा केन्द्रिय प्रार्थना विभाग प्रमुख देवमाया तामाङले सबैलाई धन्यवाद दिएर अन्तिम प्रार्थना गरेर कार्यक्रम समापन गर्नु भएको थियो ।